Arkitektura mugikorra Gasteizen

Aurretik azaldutako baldintza guztiak betetzeko egitura definitiboa hurrengoa da: fatxaden norbidean 4 habetarte proposatzen dira, eta sakoneran plataforma horiek eraikinaren herena edo bi heren hartuko dute, beti argi sarrera ahalbidetuz. Gainera, barne espazio desberdinen arteko erlazioa behartzeko, medianeren aldeetan trama edo sare hori beste modulazio batekin nahastuko da. Hain zuzen hormaren laurdena hartzen duten beste plataformak sartuz, bi modulazioen artean zuloak egotera behartzen da.

Gainera, espazioa zertxobait kontrolatuko da, ez da nolanhikoa izango. Solairu bakoitzean plataforma finko batzuk izango ditugu, eta gainera, solairu bakoitzean plataforma kopuru maximo bat izango dugu, inoiz ezin dira solairuak guztiz bete. Honek erabilera eta espazio ugari sortzea ahalbidetuko du, baina espazio hori ez da nolanahikoa izango.

Eraikinaren funtzionamendua honakoa izango litzateke azken batean,

Espazioa antolatzeko aukera desberdinak maketa mugikorrean landu dira. Lehenengo 4 irudiek kota bakoitzeko maximoak erakusten dituzte. Hurrengoek aukera desberdinak

Arkitektura = Igogailua

Aurreko sarreran azaldu nuenez, espazioa antolatzeko 3 baldintzak izango dute eragina: espazioa aldakorra izatea, eta altueren aldaketak indar handia hartzea, espazioen artean erlazio bisualak lantzea eta fatxadan aldaketa hauek erakustea.

Honi jarraituz, proiektuaren miuna baldintz aguzti horiek betetzea ahalbidetuko duen eraikuntza sistema bat lortzean datza. Eraikuntza sistema hori plataforma bidezkoa izango da. Fatxadan dauden zutabe lerroek estalkian pilatzen diren plataformak eutsiko dituzte, eta plataforma horiek zutabe horietan zehar igo eta jaitsiko dira. Komunikazio bertikalak, beraz, desagertu egingo dira. Plataforma bera da espazioa egituratu eta espazio horretara eramaten gaituena. Horrela, etengabean aldatzen den espazioa sortuko dugu.

Egitura fatxadaren planoei elkartzut izatean, plataforma horiek beti argiztatutak izatea bermatuko da, eta gainera kaletik barnean ematen diren erabilera desberdinak ikustea ahalbidetzen digu.

Erabilera desberdinen arteko erlazio bisuala bultzatzeaz gain, eraikinera sartzean erabilera eta espazio desberdinak ikusi eta ulertzeko aukera izatea ere garrantzitsua da. Horregatik, beheko solairua libreagoa izango da, goian dagoena ikusteko modukoa.

PROIEKTUAREN HELBURUAK

Espazio indefinitua "definitzen" aurretik, espazioa antolatzeko lehenbiziko zertzelada edo irizpide batzuk pentsatzen hasi nahi; azken finean, proiektu honetan lortu nahi ditudan helburuak.

Alde batetik, programak hiriaren aniztasuna batzen duenez, aniztasun horrek dakartzan erabilera desberdinak bilduz, Cuchilleria kalera zabaltzen den fatxadak aniztasun hori erakustea da helburuetako bat. Erabilerak eta espazioa aldakorrak izango direla aurreikusita, fatxada horrek ematen diren aldaketa horiek erakutsiko ditu.

Erabilerak oso desberdinak izanda, bigarren helburua ebaketan malgua den espazioak sortzea da. Hau da, espazioak ez dira finkoak izango, baina aldakortasun hori ez da oinean soilik bilatzen, erabilera desberdinek ebaketa desberdinak hartzeko aukera izango dute, eta hori eraikuntza sistema batekin lotzea izango da proiektuaren erronkatako bat.

Hirugarren helburua sortzen diren espazio desberdinen artean erlazio bisuala egotea da. Itxituretan ere anizatasuna bilatuko da, eta, kasuan kasu, itxiturak gardentasun maila desberdinak izango ditu.

INTERAKTUATZEKO ESPAZIOAK

Hurrengo ariketari begira "denetarako" balio duten espazioetan pentsatzean, gurea bezain gizarte anitzaren beharrak asetzeko gai dena, berehala Archigramen lana etortzen zait burura. Seikote honen lanetan beti zegoen presente denbora eta egoera jakin bakoitzera moldatzeko arkitektura egitea. Gainera, teknologiak garrantzi handia

zuen haien proiektuetan, proiektu utopikoak gehienbat, eta, askotan, euren eraikinek makina baten antzera funtzionatzen zuten. Hau da, gure ariketarako eskatzen zaizkigun baldintzak guztiz betetzen zituzten.

Baina haien proiektuetaz gain, Archigramen hitzak ere oso adierazkorrak dira. Haien hitzetan " pertsonak arkitektura ibiltaria dira. Arkitekturak pertsonen mugitzeko ahalmena potentziatu behar du, eta haien behar aldakorretara moldatu."

Burura etortzen zaidan beste kontzeptu bat arkitektura tenporala edo aldi baterako arkitekturarena da. Espazioa moldakorra izatean ez du epe finkorik, ez da inolaz ere betirako arkitektura estatikoa izango. Gaur egun ohikoak dira tarte baterako eraikitzen diren instalazioak, erakustaldi jakin batzuetarako prestatzen direnak. Instalazio hauek badute ekarpen handi bat, gure proiektuan kontuan hartzeko modukoa dena. Arkitektura aldi baterakoa izatean esentzialean zentratzen dira, espresio handiena lortzea minimoarekin. Horregatik, inpaktu handiko lanak izan ohi dira, eta nahiz et desagertu, askotan inguruan aztarna uzten dute.

Horretaz gain, instalazio hauetan material berriek, teknologiak presentzia handia hartu ohi dute, eta interakzioa bultzatzeko helburua izaten dute, Archigramek egiten zuen bezala,

perfil desberdineko erabiltzaileak kontuan hartuz.

Hona hemen horrelako bi proiektu. Lehenengoa Londresen egindako interbentzio bat, errepide azpian eta kanal baten ondoan egindako interaktuaziorako espazioa, taberna, zinema etab. moduan erabiltzen dena. Bigarrena alemaniako arkitekto estudio baten lan ezagunenetako bat, Kubik izenekoa.

http://vimeo.com/27777840

http://balestraberlin.com/?cat=6