Behin-behineko entrega

AKTIBITATE GUNEEN GARAPENA

Behin aktibitateak aurrera eramateko tokia aukeratuta, espazio hauen garapena hasi da. Horretarako erabilera bakoitzak dituen beharren zerrenda egin da, eta behar hauei hobeto egokitzen zaien forma eta tamainak bilatu dira.

Honen helburua antzekotasun eta desberdintasun tipologikoak identifikatzea izan da. Adibidez, ebaketetan antzematen denez, terrenoa desberdina denez, plataforma eta hankak beharrezkoak dira. Bigarren ondorioa, aktibitate desberdinek komunean dutena: gela diafano eta itxia beharko da, eta honek gehigarri desberdinak beharko ditu, itxiagoak edo irekiagoak izan daitezkeenak.

Honetarako proposamena: kaiola bat diseinatzea, egitura nagusi batek osatua, barnean gela itxia hartuko duena eta gehigarriak txertatzeko aukerak ematen dituena.

Ekosistema ezagutzeko proposamena

EZAGUTZARAKO IBILBIDEAK

Helburua ibilbide dibertsoak planteatzea da, luzera eta zailtasun desberdinetakoak, erabiltzaile desberdinen ahalmenei moldatzen direnak. Era berean, ibilbide bakoitzak ekosistemaren elementu desberdinak erakustea bilatzen da, aukeratzen den ibilbidea delarik ekosistemaren aberastasuna ezagutu ahal izateko.

Ibilbide hauetan ekosistemaren elementuak ezagutzeko aukeraz gain, hainbat aktibitate planteatzen dira. Hauen helburua ekosistem ezagutzea era sakonagonean. Begiratzeaz gain ekosistema ERABILTZEN IKASTEA da helburua, baina esplotazioa ez den eran, erabilera alternatiboak dei daitezkeenak.

Iturria energia eralbiltzeko, konpostaje naturala, enborren lantzea, kabiak, pigmenu naturalak egitea eta usategiak dira proposatutako aktibitateak.

Ekintza hauek aurrera eramateko gaur egungo mendiko refugioen berrirakurketa erabiliko da. Erabilera bakoitzaren beharrak aztertu ondoren, bakoitzaren tipologia definituta, ekintza guzietarako baliagarria den eraikuntza sistema bat bilatuko da, inguruarekin harreman zuzenean egongo dena.

Ekosistema ezagutzeko proposamena

Ikusi bai baina ikutu ez?

Badirudi azken urtetan parke naturalen "boom" a bizi dugula. Gauza beharrezkoa zena badirudi neurosi bihurtu dela eta berdea den edozer sakratua balitz bezala gorde behar dela. Horrela, gure inguruan ditugun gune natural ugari, babestu beharreko kategoria horretan sartzen ari dira; eta honek bere arriskua du, babesak museo bateko koadro baten parera jartzen duelako natura. Natura babestua bisitatu bai, baina erabil ezin daitekeen gai inertea bilakatzen da, koadro baten antzera begiratu, miretsi daitekeena, baina interakziorako aukerarik gabe. Gaizki-ulerturik ez dadila egon, gizakiak hainbat eremutan izan duen esku-hartzea izugarri kaltegarria izan da, eta ugariak dira gizakiaren presentzia ahalik eta urriena hobe luketen tokiak.

Baina sarritan, errespetua ezartzeko bidean, ekosistema eta bere nondik-norakoak ezagutzeko bidean debeku eta murrizketen dinamikan sartzen gara, haratago ikusi ezinik. Gasteizko mendien kasuan ekosistema aberatsa da oso, nahiz eta bertako landaredia eta faunaren zati handi baten presentzia gizakiari zor diogun: pinuak, pagoak eta faisanak adibidez, gizakiak jarri ditu bertan. Dena dela, aberastasun hau ez dut uste gizakiaren presentzia eta, bereziki, interakzioarekin bateraezina denik, eta honek proiektuari begira hausnarketa bat dakar. Ekosistema ezagutu eta errespetatzeko egokiagoa al da hau ikustea baino ez, edo ikusteak, ikutzeak, erabiltzeak, hau da, ezagutza sakonagoak ekosistema horren errespetuan maila bat haratago eramaten gaitu?

Gasteizko mendien ekosistema

2 EKOSISTEMEN NAHASKETA

Montes de Vitoria edo Valles de transicion direlako fronte orografikoak Arabako lurraldea eki-mende banatzen du eta Arabako Lautada-ren hegoaldeko helmuga egituratzen du.

Mendikate honen sektore orientala hainbat gailur, sakan eta baguadek osatutako paisai

eder batek osatzen du, ia inolako gizakiaren eraldaketa

rik jasan ez duena, bertan kokatutako nukleo ruralak direla eta, abeltzaintzara bideratuak, zeinak oso biztanleria eskasa duten. Honi esker dira hain anitzak bertako habitatak.

Hemen Gasteizko mendien franjako landaredi desberdinak ikus ditzakegu. Landaredia aberastasun honek fauna aberastasuna dakar ere, horrela ekosistema aberatsa sortuz.

Ekosistema honetan fauna ugariena faisan eta usoena da. Eskema honetan animalia horien bizitza zikloa eta konportamendua aztertzen da, ondoren programarako oinarrizkoa izango dena.

Gainera,inguruaren ezagutzarako bi oinarri ditugu, baina konturatu gara hauek erabilgaitzak direla, ez daudela bisitariaren zerbitzura eta informazio gutxi gehitzen digutela.

ENTREGA_BALIABIDEEN MAPA

Publicar entrada

ULLIBARRI-ARRAZUA, MENDIOLA eta ULIBARRI-OLLEROS

MENDIALDEAREN ANALISIA

Gure zonaldearen azterketari ekiteko bertako puntu interesgarri edo estrategikoenak identifikatzen saiatu gara, haien arteko harremana ezagutzeko. Lehenengo herriak eta errepide nagusiak irudikatu ditugu.

Ondoren, mendi gailurrak zerrendatu ditugu, hauek jendea erakartzen duten puntuak izanik.

Ur aintzirak eta putzuak non dauden ere identifikatu dugu, hauetara ere jendea hurbildu daitekeelakoan.

Azkenik, landaredia aldaketa ematen deneko puntuak zehaztu ditugu, izan ere neguan hosto iraunkor ez ez-iraunkorreko gune honetan paisaia interesgarria ematen dela pentsatzen dugu.

Puntu interesgarriak finkatu ondoren antzeman dugu hauek, Gasteizko hedapena bezala, eraztunetan biltzen direla. Hau da, malda tipo bat dago non gailurretik herrira puntu antzekoetan ur puntuak eta landaredia aldaketak ematen diren. Horrela guri erabilgarria zaigun sarea ematen da. Sare hau ,ordea, aldakorra da.

MENDIALDEAREN ANALISIA

Mendialdearen analisia hasi baino lehen, Araba eta Gasteiz hasi gara aztertzen, bakoitzak dituen partikulartasunak identifika nahian.

Arabari dagokionez, oso deigarria iruditu zaigu Gasteizek eremu metropolitanorik ez izatea, Bilbon eta Donostia inguruan gertatzen ez den bezala. Gasteiz inguruko herriak oso txikiak dira, herri ruralak bete-betean, hiri garapenetik kanpo geratu direnak.

Gasteiz lautada batean kokatzen da, eta ingur

uko lurrak nezakaritza lurrak izan dira beti, Gasteiz hornitu dutenak historian zehar. Gaur egun ordea, Gasteizek ez ditu inguruko eremuak behar hiruburuaren eta inguruko herrien arteko erlazioa ez da sinbiosikoa, herriek Gasteizko dependentzia totala dute, herriek ez diete ezer aportatzen hiriburuari. Udalaren mugan, ordea, badago erliebe aldaketa ba, eta lur horiek nezakaritzara dedikatzen ez direnez, Gasteizek hirian falta diren behar batzuk asetzeko erabili ditu.

Aktuazio erari dagokionez, herrien independentzia mantentzea ezinbestekoa ikusten dugu, herri huek nukleo batean biltzea ezinezkoa iruditzen baitzaigu, bai erliebea bai herrien arteko distantziagatik.

Lurra markatuz

“Una construcción cultural” artikuluaren harira paisaiaren subjektibitatea azpimarratzekoa iruditzen zait. Alde batetik paisaia hitzak dakarren lengoai anbiguotasuna izugarria da, eta gure arloan hain da erabilia kostatzen zaidala jakitea paisaia hitza entzuten dudanean zehazki zertaz ari garen jakitea, edo hobeto esanda, ze irudiz ari garen. Suposatzen dut gehienok paisaia hitza entzutean irudi naturala dugula buruan, bai natura basatiena eta bai naturala artifiziala ere, gizakion eskusartzeaz sortu dena, baina dena dela, paisaia hitzak ez dit arkitektura elementu bakun bezala gogorarazten. Paisaiaz pentsatzean arkitektura ere agertu daiteke irudian, baina paisaiarekin bat datorren oso bat bezala, ez proiektu indibidual baten antzera. Adibidez, Andaluziako barnealdeko mendikateen irudian bertako herritxoak irudika ditzakegu paisai natural horrekin sortuak izan bailiran. Honek erronka bat planteatzen dit arkitektoaren ikuspegitik, (aurtengo kurtsoan ikasgai honetan sakontzea eta ezagutzea espero dudana) eta hau da zein izan behar duen gure interbentzioak paisai jakin batekiko. Esan dudanez, paisai natural edo rural batean nola aritu eta zer erlazio izan honekiko ardurazko gaia da. Interbentzioak paisaia markatu egiten du, betirako ez bada ere, luzerako eta atenporala iruditzen zaigun eremuaren eta objektu bakun eta artifizial baten arteko talka horretan paisaia berritu, moldatu egiten da. Horregatik, paisaia lantzearen kontzeptua interbentzio txikiekin lotzen du nire burua nahi gabe, eta zaila egiten zait proiektu handiagoekin lotzeak, hiri mailako proiektu batekin adibidez. Izan ere, hiri paisaia eta paisai naturalaren arteko talkan pasaiaren desitxuratzea ematen da, paisaiaren okerrerako ia beti.

Arkitektoaren begiradatik haratago, artikuluak dion bezala, paisaiak indibiduo bakoitzean eragin jakina du, bakoitzak paisaia bakoitzaren aurrean dituen sentipenak, usainak, testurak, koloreak. Are gehiago, giza talde batek bere inguruko paisaiaren gainean sentimendu jakina izan dezake, paisaiak bere gizartearen nondik- norakoak erakusten dizkiolako, herri baten bidea erakusten duelako. Paisaia lantzeko eta paisaiarekin lan egiteko bi alderdi hauek ahalik eta gehien ustiatzea beharrezkoa iruditzen zait. Alde batetik, aurretik ezagutzen ez dugun leku batean ditugun lehen esperientziak, leku horrek eragiten diguna eta arkitekto bezala erabil dezakeguna. Bestetik, bertan bizi direnen usteak, jaio direnetik paisai horren parte direnek bere bizilekuarekin duten erlazioa.

Horrela, kurtso honetara begira, tresna hauek dominatzea ez bada, arkitektoak paisaiarekin lan egitea den prozesu hori bereganatzea eta sakontzea gustatuko litzaidake, paisaian nola eragin, hiri paisaia eta landa paisaia uztartzen ikastea etab, horretarako hirigintzarekin batera egingo dugun lanaz baliatuz batez ere.